Notizen ut'n Saatmaand


dat glückliche fleegtüüch

dat fleegtüüch flüggt, de tied entrückt,
man jümmer hen un her
mang blaag un gröön. dat is so schöön
as ans bloots op de eer!


en snaaksches wokern, dat de sünn
mit schaddenkraft dörfiltert.
un liekers nimmt de sünn dat hin,
de schaddenkräftig üm un üm
de tied in't johr rümwültert.


de mais-hex steiht in't feld, alleen.
bi't meihen weer se nich to sehn.
man nu, as na verlaren krieg,
keem se vörtüüg
un hannenwringt en stumme klaag
gegen de biogasanlaag.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet