Notizen ut'n Märzmaand


för mien moder

so
klüng dien stimm
as du mi sääst: kaam!
so
leetst du mi wassen

allns, wat du büst
stütt mi un höllt mi sacht
in de richt

allns, wat du weerst
wölvt sik över mi
hooch
en unsichtbor kroon

langsam
wasst du ut de welt
un ik rin

alltied
bliev ik lehnt
an dien unsichtborkeit

 


dree avendbööm
an't enn vun de welt
voss un haas
sään sik lang goodnacht
un sachs ok
lebewohl;
dat feld is noch gröön
för en tokumst
ahnsichtbor för minschen

dat swiegen
vun de deerten deep in woold
befallt uns tungen

dal senkt sik
de blagen himmeln
heimat
vun't swiegen


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet