Notizen ut'n Braakmaand


Foto: Anke Nissen

 

 

blaage sünn, blaage steern,
lütte blaage welt!
blaag planeet, vun unbekannt
spezies bestellt,

rund stiggst du in't sommerland
ruhig, en blaage eer;
all uns' luft — is sülvstverstand —
is din atmosphäär.

Foto: Anke Nissen


 

och wind in min sinn,
och wind in min hoor,
dör't koorn wischst du hin,
op't foto sogoor —

de schadden, he huscht.
och wind in min daag,
och wind in min tied!
weih to, laat nich na,

weih to, holl mi spannt!
driff licht vör di hin
un plöög so min land,
du wind in min sinn.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet