Notizen ut'n Heumaand


as wenn nich hööchste sommer weer
kümmt lütte plant den harvst tovör —
streit sülvst de bläder, blomenkind
to ehre hochtied mit den wind.


hooch sleit de oozean vun welt
üm mi sien bülgen, blaag un gröön —
heff mi op höltern posten stellt
bloots üm mi ünnergahn to sehn


wenn sik sien heu de sommer wendt,
wenn duft benüsselt, warmnis brennt,
dor brickt en sünn ut vör, dat blendt
sik sülvst so hell, warrt nich gewohr:
heel langsam wendt sik ok dat johr...


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet