Notizen ut'n Sneemaand


gah in düt johr! de weg bargt sin gesicht.
wied weg vun hier föhrt he — mehr sühst du nich —
in witt un blaag un küll, un üm en böög —
un endt in't wiede. so as alle weeg.

 

ut dusend ennen bildt sik dusend weeg.
se föhrt in alle richten, wahllos, wild,
terbreekt den heven, treckt in dine nehg
den spleet... un dusend weeg endt in en bild.

 

du bild vun glanz, de wietaf vun mi weet!
welt vun kristall. still ordnung, reine sinn.
glanz wiest de heven, licht dör sinen spleet.
un driggt di ganz vun sülven na sik hin.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing

4.8.2013

trüch


na baven


na't Flack

na de Startsiet