Notizen ut'n Hornung


wat sitt dor op den schosteen swatt
un ganz benaut? dat is de katt!

se sitt ganz musenstill op't dack,
un kiekt se üm sik, warrt ehr swack —
"o nee! woneem blifft bloots de sünn?
wosaken keem ik hier bloots hin?
keen poot sett ik in düssen snee!
bliev hooch un dröög hier op de stee...
wat schall de kole witte dreck?!
wosaken kaam ik hier bloots weg?"

o katt so swatt, maak di vun't dack!
de winter hett en taagen nack,
wo lang he blifft — wenn du dat wüsst,
wullst du nich blieven, wo du büst!


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing

2.9.2013

trüch


na baven


na't Flack

na de Startsiet