Notizen ut'n Christmaand


du junge ole königsdeert
in'n schadden vun de welt, du peerd —
in't sünnlicht vun dat schaddenriek
verlöppt sik floot un traav un diek —
de floot, de feld un wischen füllt —
sik ansliekt, dör de spleten quillt —
üm di to sehn, du dunkel peerd
in dien urolens götzenbild
dat allns dat bloots vun wied beröhrt.
du slötel vun de welt, du peerd.


lebennige tosamenbrook —
hartslag, den jedeen föhlen kann.
eerst na dat enn fangt leven an.
dat weet wi ok.


leuchtende wintersaat, konter-
kariert von den schatten des lichts.
übergang, schattig-besonnter:
eis auf den spuren ins nichts.

(Bidd üm Vergeevs, dat güng
dütmaal bloots up Hoochdüütsch!)


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet