De Harvst
Kalennerblatt vun Anke Nissen un Ludgerd Lüske

 

Oktober

Oktober...

ok "Goldener Monat"
ok "Gilbhart"
ok "Dachsmond"
ok "Saatmaand"

Maand vun't wohre Kennen
Maand vun't Ut'nannerfallen
Maand vun't Vörsorgen

Anfang vun de drütte Johrstiet.
De Welt wiest sik wunnerschöön in vele warme Farven.
De Daag warrt bilütten körter un koller.
Jümmers noch warrt Gaven vun de Natur inbröcht.
Man ok de eersten Nevel wabern.

Anke Nissen

 

 

 

Bild un Riemel: Ludgerd Lüske

 

 

 


   
November
     
 

November...

ok "Nebelung"
ok "Windmonat"
ok "Nevelmaand"

Maand vun de groot Stillnis
Maand vun Inkehr un Intuition
Dat Utsehen vun'n Goorn, Feld, Wald hett sik wannelt, hett sik bannig wannelt. Allens is ööd, allens is still. Dat schient, as weer över allens en gries Dook leggt, dat över Land un Seen wallt.
Dorbi kann uns Minschen licht Wehmut ankamen,
düüster Gedanken.
Dor is dat denn wenn wi uns vun binnen ankieken —
uns Intuition frie lopen laten.

Anke Nissen

 

Bild un Riemel: Ludgerd Lüske


     
Dezember

Dezember...

ok "Wintermonat"
ok "Wolfsmond"
ok "Christmaand"

Maand vun de Wintersonnenwende, vun de Wedderkamen vun de Sünn!
Maand, in den de Minsch sik sammeln sall,
to Ruh kamen sall, mit sik sülm tofreden warrn sall.

De Naam Wolfsmaand, kümmt dorher, wiel to Tiet vun uns' Vöröllern de Götter vun de Ünnerwelt den groten Wolf losschickt hebbt. He sull dat Licht upfreten — dalslingen —, dormit dat düüster warrt över dat Land.

Wintermaand, en Tiet, wo allens Leven för ene lütte Wiel to'n Stillstand kümmt.
Wi föhlt uns wohl, wenn wi enerwegens sünd, wi spöört den Wunsch na Ruh.
Wi fiert dat Wedderkamen vun't Licht,
un wi verbindt dormit nieget Höpen, niege Wünsch,
elkeen siene heel egen, ganz privaten...

Anke Nissen

 

 

 

 


Bild un Riemel: Ludgerd Lüske

 

 

     
 

Mehr dorvun: Lent, Sommer, Winter


trüch


na baven


na't Flack

na de Startsiet