Fanø, Bild: Rudi Witzke
Mien Hart is dat Meer,
hett mit den Strand nix inn Sinn.
In sien Blaut
ruscht fromm de Flaut:
Ik binn Tiet mit Tiet,
bün deepste Sinn vun de Ewigkeit."
Na Petzold
Fanø, Bild: Rudi Witzke
Vergahn de Flaut.
Noch bruust dat vun Wiet.
Wild Wader un baven
Stiern an Stiern.
Wokeen sehg dat woll,
o selig Land,
woans di de Well
ünnerkreeg.
Noch bruust dat vun Wiet.
De Nachtwinnen bringt
Erinnern un een Well
verleep inn Sand.
Rainer M. Rilke, int Plattdüütsche
bröcht vun Rudi Witzke
Fanø, Bild: Rudi Witzke
Över de wiede See föhrt mien Weeg to di,
in Einboom, Seilscheep orrer Damper,
vele Johren schoon.
Öllervadders un Öllermudders bit in Urtieden
nöhmen disse Weeg,
un mennigeen kreeg inn Storm
sien Graff ann Grund vun de Groote See.
Wilde See, Utsnitt ut een Bild vun Monet
|