Bawhus-LogoDat Bawhuus, Deel 5:
Kasimir Malewitsch

Van Ludgerd Lüske


Sei käönt dei Biller mit'n Anklick vergröttern. Trügge geiht dat denn mit den Zurück-Knoop (Trügg-Knoop) in den Browser (Bruuser).

Malewitsch, Sülvstporträt 1908. Klick op to'n Vergröttern!Kasimir Sewerinowitsch Malewitsch wörd 1878 in Kiew born un störv 1935 in St. Peterburg. Disse Maoler ut Russland, siene Familje stammde vörmaols ut Polen, gründe den Konstruktivismus un den Suprematismus.

Öffentlik wiet bekannt is sien Bild "Schwartet Quadraot" (1913/14). Dat is ein schwartet Quadrat up witten Achtergrund, dormit dreev Malewitsch dei in' Kubismus anfungen Avstraktschioon up't Üpste.

Nao Schaule kööm Kasimir as Kind so recht nich hen, sien Vaoder arbeide in dei Zuckerreubenindustrie, faoken up eine neie Arbeitsstäe. 1895 kööm hei aover up eine Kunstschaule. 1904/05 güng hei dör ein Kunststudium. Dornao, bit 1910, studeierde hei in dat Atelier van F.I.Rerberg in Moskau. 1912 trück üm dat nao Paris.

Schwartet Fiefeck op wittet Fiefeck. Digitaalbild na Malewitsch vun L. Lüske. Klick op to'n Vergröttern!1913 kreeg hei dat Leit äöver dat Museum för künstlerischke Kultuur in St. Petersburg, dat läöterhen dat Staotlike Institut för künstlerischke Kultuur wörd.
1916 gründe Malewitsch dei Gruppe Supremus, lehrde an 'ne Riege van staotlicke, deils jüst gründte, russischke Institute.

1919 stellde üm Marc Chagall an siene 1918 van üm sülvs upbawede Volkskunstschaule in Witebsk (Prawdastr. 5) in.

Malewitsch gründe dor dei Gruppe UNOVIS. In disse historischke Tied van 1918 bit 1923 wörd unner sien Leit nich blots dei Schaule sülvs, dat Unnerrichtssystem, dat Kultuurläben van dei Stadt Witebsk ännnert, sünnern uk dei wiedergaohn Kunstprozeß up dei heelen Welt.

Landlüe. Digitaalbild na Malewitsch vun L. Lüske. Klick op to'n Vergröttern!Unner Malewitsch sien Warken in Witebsk (Witebsker Periode) köömen dei Ideen van den Suprematismus theoretischk un van dei Konzeptschioon her up einen meesterhaften Stand. Dei harrn ein neiet Millieu nödig för dat Entwickeln un för den mehrfunktionaolen Dialog tau dat Verneierungsverhollen för dat taukaomen Läben. Witebsk is dit Millieu worn, un man neumede dei Stadt in disse Tied dat "tweide Paris". In Witebsk settde Marc Chagall dei Idee tau'n Grünnen van ein Museum för Moderne Kunst ümme. Vandaoge heit disse Periode "Witebsker Renaissance" of "Witebsker Schaule".
Van 1923 bit 1927 leitde Malewitsch dat Institut för künstlerischke Kultuur in St. Petersburg.
1927 reisde hei nao Berlin und warkede an dat Bawhuus in Dessau.

In' Harvst 1930, trügge in Rußland, nöhm man üm för 2 Monate in Haft, hei wörd dor, politischk verdächig, verhört.Digitaalbild na Malewitsch vun L. Lüske. Klick op to'n Vergröttern!

Malewitsch, Winterlandskup. Klick op to'n Vergröttern!

Dornao, in disse leipe Tied, füng Malewitsch an mit sienen neien Maolstil, deit aover kienen Afstand nähmen tau dat künstlerischke Wark ut siene vörigen Perioden. In dei poar leßten Joahre vör sienen Dood — 1935 störv hei an Krebs — söchtde hei nao ein Anerkennen up ein künstlerischk üpstet Niveau. Dortau hett hei wedder Gägenstandsmaolerei maoket, sien Freuhwark vör dei suprematistischke Periode in wisse Sicht noch maol wedderhaolt un togliek den Weg nao neie Utdrucksformen söcht.

Links:




trüch


na baven


na't Flack

na de Startsiet