Mareike sorgt vör

Mareike un Jan kunnen en poor Johr tosamen up de Sünnensiet vun’t Leven taubringen. Mareike wüßt woll, dat ehr Puk dorför jümmer wedder to danken weer.

Se sää aver ehren Jan nix vun ehre Belevnisse mit den Huusgeist. Se stellte em ümmer Grütt mit Bodder un brunen Zucker op’n Böhn.

Nu harr Mareike ok Tiet för ehr Familje. Wat weer ehr Jung Carl groot worrn! Hei weer jümmer miehr in de Öllern ehr Fautstappen gahn. Ok de Oort un Wies, woans Jan un Mareike ehr Leven na de Teihn Wiespahls levt harrn, bleev bi Carl gliek. De Öllern leten ehm ok mit de Tiet jümmer miehr verantworden.

De Fischfabrik wöör buut.

Un bi den Buu vun de Fischfabrik in Skutup kunn de Junior Carl wiesen, wat hei kunn.

Allens glückte Carl un sien Fru Anna, de hei friegt harr. De Grootöllern to Fäuten speelte de Enkel. Mareike kunn dat nich laten: Se müßt wat daun. Jan güng dat evenso. Hei flickte Netze för den Naver, de Kutterfischer weer.

Een grotes Probleem harr Mareike denn doch. Se harr bit nu över ehren Huusgeist swegen. Se wüßt, dat se un Jan de groot Reis antreden müßten. Wenn Anna nix wüßte, kunn dat ehren Puk slecht gahn. Hei wöör ut dat Huus uttrecken un dormit dat Glück mitnehmen. Jümmer wedder hett se sik vörseggt, woans se Anna dat bibringen wull, dat se fast glöövt, dat en Huusgeist ehr Levlang mit ehr un ehr Familje een Hüsung hett.

In een Vörjohr wullen se in’t Lauerholt na wille Lillen (Maiglöckchen) söken. Elkeen kennte ein Eck, wo de roore Blaum wassen schull. Se wullen sik welk för ehren Goorn achter Huus halen.


Maiglöckchen-Stengels

Wiet müßten se wannern. Anna fünn an een vun ehre Steden nix. Disse as dickes Gras dreihte jungen Planten weern nich so licht to finnen. Se wullen al upgeven, dor fünnen se de zorten Halm. Drei Stück mit den ünneridschen Stengelutlöper buddelte elkeen vun jüm sick ut.

Un een fällte Boomstamm lööd to een Verpuustpaus in. Dat weer de Tietpunkt: Liesing eerst, den aver mit fastere Stimm vertellte Mareike ehr Schwiegerdochter allens, was se in ehr Leven mit Huusgeister belevt harr. Un dat de Tiet nu kamen weer, dat Anna den Huusgeist de Grütt kaken un op den Böhn bringen müßt. Mareike harr all de Tiet Bammel hat, dat ehr Anna se utlachen wöör. Ne, se nehm ehr Schwiegermudder in’n Arm, de Tranen lepen över de Backen. Anna verspröök, nüms vun ehren Huusgeist tau vertellen un jümmer för em to sorgen.

Un de Puk nöhm de Grütt vun Anna an. Dor weer Mareike ruhig, wüßt se doch, dat ehr Familje ok na ehr schuult wöör.


Fischerhuus in Schlutup


Histoorsche Fotos ut dat Book vun Hans Westphal 1907
Bild Puk mit Kreih: Susanne Zingel
Bild Maiglöckchen-Stengels: Kenraiz Krzysztof Ziarnek/Wikimedia Commons

Na de Översicht över Pukken un anner Geister

Rudi Witzke
10.10.2010


na baven