Moin, Moin,

dor bün ik all wedder!
Juuch Murkel!

So langsam warrt dat Tiet, dat ik mi na en Winterquarteer ümkiek.
De Storm in de letzten Daag hett dat Loof vun de Bööm plückt. Dorvun kann ik mi en Nest buun.

Is noog vun da!

Ok gifft dat blots noch wenig to'n Freten. De Käver un Snicken sünd al verswunnen. Af un an finn ik noch mal enen Regenworm...

...oder en lütte Kellerassel neven de Vageltränk.

De Kellerassel kannst noch grötter sehn, wenn du dat Bild anklickst!

Dat langt aver nich.

Kannst mi ok per Klick vergröttern!

Wenn de Lüüd vun den Goorn mi nix geven harrn, weer ik seker al verhungert.
Avend för Avend steiht dor en Schöttel mit lecker Freten. Mitünner gifft dat sogoor Röhrei!

Upps, allns opfreten! Weer ik dat etwa?? Naja, dat weer ik woll...

Up de Terrass liggt ok ümmer Kees för mi. De smeckt mi ganz besünners goot.

Also düsse Edamer... so lecker!

De maakt mi ganz gierig!

Dorna krieg ik aver ümmer bannig Döss. Op de Terrass steiht ok en Vageltränk. Ut de kann ik fein drinken.

Dat reinste Restorant hier!

Wenn dat nu kolt warrt, verkruup ik mi lever in't Loof. Verleden Johr weer ik meist verhungert. Wat mi dor passeert is, vertell ik dat neegst Mal.

Tschüüs!

Juuch Murkel