"Hm, de twee dor, de sünd ja nich swatt un witt, de sünd swatt oder witt. Wi Storken sünd beid! Beid togliek! So höört sik dat för en Stork."

"Aver du, Mohrle, du hest doch witte Ohren!
Du büst also ok swatt un witt togliek!"

"Och, Flocki, heet dat denn...

...heet dat, ik bün en Stork?
Kann ik flegen?"

"Mama, Mama, de lütte swatte Zeeg is en Stork un kann flegen!
Ik bün ok swatt un will ok flegen!"

"Wulli, wees still, Lammer sünd keen Zegen un Zegen sünd keen Storken!"

"Worüm nich, Mama?"

"Wi fleegt nich, alltosamen! Wi sünd Weidedeerten! Wi gaht to Weid!"

"Mama, dat deit de Stork dor aver ok! Hei geiht ok...

...to Weid! Villicht bün ik ja doch en Stork?"

"Hihi, ja, ööv du man schöön dat Flegen, du Lamm!"

"Vaddern, nu kiek di eins de mallen Weidedeerten an! Se wüllt all flegen, as wi! Ik lach mi slapp."

"Tje, Muddern, wenn dat eerste Lamm orr Schaap orr Zeeg de teihndusend Kilometer na Aafrika flüggt un mang de Gnus landet, denn lacht wi nich mehr!"

"Wat klappert de Storken dor? Hest du höört, Trine? De Zegen wüllt flegen!
Bloots vunwegen dat se swatt un witt sünd, as wi!"

"Och Hannes, wi fleegt doch nich, wieldat wi swatt un witt sünd! Wi wöörn ok flegen, wenn wi gröön un lila weern! Un keen Zeeg warrt flegen, egaal welk Farv se hett!"

"Och schaad, wo sik Zegen un flegen so schöön riemelt, Flocki!"

"Och wat, Mohrle, wi twee sünd tosamen un beleevt noog Aventüür op'n Borrn, wat? Mutt nich Aafrika ween!"

"Hurra, keen Lammer un Zegen in Aafrika!
Na dor sünd wi ja noch mal knapp dorvunkamen!
Hier in Europa nervt de ganzen Zegen un Lammer al noog!"

"Un ik? Ik bün ok swatt un much so geern mal flegen!
Hallo! Höört mi nüms...?"

"Tschüß, Muddern!" "Tschüß, Vaddern! Mummelt dor wat in't Gras? Na, egaal!"

"Hallo...? Höört mi nüms?
Ik will ok flegen..."