Rita Kusch

Vun uns Religioon


Wenn dat Johr to Enn geiht, denn mokt wi immer nochmol so'ne Ort Quiz, um bi de Konfirmanden ruttokriegen, wat de dat Johr öber so begrepen hebbt. Dorbie kummt denn ok rut, wat se nich begrepen hebbt. Und dat is leider manchmol tämlich veel, at ik dor sogar all an denk, dat ik min Exaomen tröchgeben mutt, wiel ik eer dat woll ok nich god verklart hebb. Hört to:

Pingsten fiert wi, wiel at bi Maria dor de Wehen anfungen hebbt. Un in´n November kummt immer so'n Kerl, de hett sin Mantel tweischnern. De heet denn ok Martin Martin -- de mit'n MantelSchneidedurch un wi kennt em al ut da"Jümmers düsse ööde Prophetenfraaß! Wannehr krigg ik wat Richtiges to freten?!"t ole Testament, dor is he mol mit de Löwen tohop inspeerrt ween, ober se hebbt em nix doon. Dat weer ok al wegen den Mantel.

Denn is he noch mit Jesus dör de Gegend togen. So ungefähr in de Antike hett he denn in een grodet Schloß, wo he insperrt weer, de Bibel öbersett. Denn weer en poor Johr Ruh un toletzt hett he sick in Amerika för de Lü insett, de at Schwarte ungerecht behandelt wurden. Se heppt em dotschoten, aber an'n 11. November denkt wi immer an em. Ik glöv, he is ok Präsident ween, ober dat wet ick nich genau. Vondogen fangt an´n 11. November de Karnevalstiet an. Dor denkt wi ok nochmol an dissen Martin, indem at wi us verrückt antreckt.

Herr Rodes un twee vun sin Schergen500 Johr no Christus in in een olen klapprigen Stall in Bettelhem Jesus geboren. In denn Stall hett ok een Tannenboom stohn, wegen denn wi hüdde noch den Wihnachtsboom hebbt.

Is jo ok de eenzige Boom, de inn Dezember Früchte hett un dor hebbt se eem at Symbol nohmen. Symbol — dat is son Ort Teken, so at de Strotenschillers, blots in grön.

Wiel de König domols — dee heede Herr Rodes un sine Fro dat wer Fro Rodes — de Lü all tellen wull, mossen all in dat Land gohn, wo se herkomen sünd. At Herr Rodes dat von dat Kind hörte fund he dat gornich so moi un hett all lütje Kinner umbringen loten. Aber ton Glück blots de Jungs. Un dor weer jo ok noch de Graf Pomzerius Pomerzius PilatzPilatz, de dat Schlimmste verhinnern kunnt har. De Erzherzog Gabriel hett denn son poor Hirten no denn Stall henropen un se heppt een Oss mit sine Kinner mitbrocht. Tohop mit de Könige hebbt se dat Kind wat schunken. Geld, son Rökerkrom un Wuddeln. Dor hebbt se ober Möhren to seggt.

Vondogen bringt us de Wihnachtsmann de Geschenke. Fröher har he een gröne Jack an, dor kunn he sick beter in´t Holt mit verstecken. Aber denn hett de grode Konzern Coca Cola em de Rechte afknöpt un nu hett he ´n rote Jack an un mutt immer Coca Cola drinken. Dat besingt wi ok in dat Leed "Schneeröckchen", un in dat Gedicht von den rupprigen Knecht kummt dat ok för.

Wiehnachten wart de Himmel upschloten. Denn steiht de Klerus dor nich mehr för rum.

Dat wichtigste Gebot is dat achte: Du schasst kien verdreihdet Tüchs schnacken.Herr Arche Noah leggt af

Fröher hett dat mol een Mann geben, de schull een grodet Schipp bon. All hebbt se dach, he is dördreiht, aber de Updrach keem direktemang von boben. Mit'n Familiennomen hedde he Noah un mit Vörnomen Arche.

De Torn vun PisaIn een Stadt wulln se mol een hogen Turm boon, dor is denn ober doch nich recht wat von wurden. Ober wi hebbt dor immer noch unner to lieden, denn wi möt sietdem Ingelsch und Französisch un all so wat leern. Och jo, dat weer in Pisa wo se vondogen noch nich god leern könt. Dat hett son Studie wiest.

To Pingsten föhrt wi mit Rad dör de Gegend, so at Jesus dat ok all mit sienFröhstück op de Pingsttuur Frünn mokt hett, dor erinnert wi us dor an, dat dor mol so'n Geist wat utgoten hett. He ward ok ilige Geist nömt, wiel he dat immer drok hett.

No Pingsten kummt denn bold ok Ostern. Dor hebbt se denn groden Steen vör dat Graff an de Siet mokt un denn weer Jesus wech. Dat hebbt to Anfang blots de Frolü glöövt. De Mannslü hebbt dacht, nu sind se totol öberschnappt. Aber he is noch fokener woller komen. Ton Bispill in en Auto, ick glöv, dat weer en Wartburg, hett he Martin Luther de tein Gebote dikteert. Up Dütsch.

De Katholschen hebbt noch mehr to fiern at wi. An´n 4. Dezember ton Bispill hebbt se denn Barbaradag. Dor drägt de Frolü Twiege up´n Kopp.

Denn Ewigkeitssonndag, de is in´n November, dor denkt de Doden ganz besünners an us.

Martin - de mit den Wartburg in Amerika ünnerwegens weer, de mit den Mantel, ji weet alÄnnchen vun Tharau, den Martin sin FruMartin Luther kennt wi all. He hett dat Krankenhus erfunnen, in dat Oma sturben is. Dat Besünner an em weer, dat he ok een Fro hadd hett. Dat hebbt de Pastoren nu meist all, aber blots de Evangelschen. Be de Katholschen dröft se dat immer noch nich. De hebbt ober son besünnert Bad, Zölibad het dat. Luther sine Fro hedde Ännchen von Tharau un de hett een egen Leed. He hett ok de katholsche Kark tweischlon, indem at he sone Ort Popier an de Karkendör von Varel schlon hett, wo he upschreben hett, wat no sin Dünken al evangelsch werden mos. Martin Luther weer de erste von all de Evangelisten un hett vör 15 Johr, so ungefähr 1990, de Bibel översett. Dat weer ganz wichtig, denn sonst harn wi eer överhaupt nich verstohn un dor nix nich von bolen kunnt.

Luther sin Wartburg mit Ännchen vun Tharau an't Stüür



na baven