Dat kannst mi glööven!
Ett sind auk diene Blagen!

vun Wilfried Theising, Vechta

To'n Anhören hier klicken:

Lesen deit Wilfried Theising.

Düsse Wiärken an Soaterdag is in Beithen in't Ollenburger Mönsterland wier ne Wallfahrt van Enkelkinner un ähre Bessöllern, also Omas un Opas. Van Joahr to Joahr kummt immer mär Lüe to de Wallfahrt. Et is en graut Vergnögen to seihn, wu Enkelkinner un Bessöllern sick verstoaht.

Manges küre ick met Bessöllern. De klaget faken üöwer ähre Kinner, de de Enkel nich richtig in den katholschen Glowen ertreckt. Dat Biädden geiht nich vörnanner un noa de Kiärken goaht se auck nich immer. Un de wecken hebbt nich äs ähre Kinner dööpt. Dat is för Bessöllern faken 'ne graute Naut. Bessöllern froagt sich dann, wat se verkiährt maket hebbt. Manges wärd se total verdreiht un den Siägen in't Hus häng scheif.

Doch spektakeln helpt nich. Ick versök dann, de Bessöllern to trösten. Se hebbt dat nich verkährt maket, wann se ähre Kinner noa ähren Glowen ertrocken hebbt. Owwer jedeneen mott sienen eegenen Wegg goahn. Wi küennt den Glowen bi annere Mensken nich maken. Un se müött auk nich noa usse Fleite danzen.

Ick denk dann waanners an eene Moder, de denn Härgott de heelen Probleme met ähre Kinner vertellt: se heff't guad mennt. Owwer den Erfolg is ut ähre Sicht kleen. Un nu heff se een schlecht Gewieten. Se denkt, dat se alles verkährt maket heff.

Hier stellt sick de Froage, woran wi den Glowen fast maket. Reekt dat met Biädden un noa de Kiärk goahn? Tellt nich noch mär doa to? Usse Härgott, de kick in de Hiärten van de Mensken. He alleen schenkt us denn Glowen. Wi könnt methelpen, dat den Glowen wasst. Owwer maken könnt wi em nich.

De Moder, de de Härgott ähre Probleme vertellt, miärkt dat: Äs se alle ähre Fehlers uptellt, de se ut ähre Sicht maket heff, segg se upmoal: Owwer Härgott, et sind auk diene Blagen!

Bi us up plattpartu.de finnt man nu utsöchte Bidräge van disse Radiosendung.