Denkmal vör de UNO in New York, © Wikimedia Commons, David Vignoni
Denkmal vör de UNO in New York, © Wikimedia Commons, David Vignoni

De Krieg

vun Karl-H. Sadewasser, Pastor i.R.


Hüt ist dat een Johr her, dat up den Kirchhoff von Benz (up Üsdum) twei Tafeln ut Bronze inweiht würden för de Minschen, de ut dat Kirchspeel Benz in'n 2. Weltkrieg tau Tod kamen sünd — an de Front, in Gefangenschaft und ok tau Huus. Nu hebben ehre Angehörigen ene Stell, wo se truurn können, un wo se henn un wenn enen lütten Blaumenstruuß henstellen können.

Foto: ML
Foto: ML

Up de en Tafel steiht mien Vadder up — he is in Mai 1944 vör Sewastopol up de Krim in Gefangenschaft gahn un nie nich wedder na Huus kamen. Mien Mudder hett vele Johr mit uns Kinner umsünst up em luurt. Minsch, wat is mi dat swoor worden in mien Leven, dat ik heff n' Mann warden müsst un mien Vadder wier nich an mien Siet.

Up de tweit Benzer Gedenkplatt is mien Broder upschreven. Dei Krieg wier man graad tau End, dor ist he an enen schönen Dag in'n Mai bi't Fischen mit Eierhandgranaten up den Schmulensee tau Tod kamen — un he wier doch ierst 14 Johr olt. Minsch, wat wier dat woll schlimm för mien Mudder, an sien Grab tau stahn.

Leve Lüüd, wi hebben hüüt 61 Johr Freden in Düütschland un leven nu al lang mit uns Navervölker in Fründschaft. In disse Johren geev dat aver annerswo in de Welt bet 300 mal Krieg.
Dor gegenan hofft de Bibel — un wi mit ehr — so as dat bi den Propheten Jesaja tau lesen is:

"Denn warden se ehr Schwerter ümschmeden tau Ploogscharen
un ehr Speere tau Metzer för de Wienbuurn.
Sei warrn nie nich mihr liehrn, Krieg tau führn."

Privateigentum Rudi Witzke
Privateigentum Rudi Witzke

Schalom!
Dat is Hebräisch, de Spraak von Jesaja. Schalom bedüüdt "Freden". Un den Freden, den wünsch ik juuch un mi und all de Minschen up Irden ——


14.5.2006


na baven