Bild Rudi Witzke

Mook dien Noom Eehr, Heer, un vergev mi mien grode Schuld!
Psalm 25, 11

Wat hesst du dörmookt, mien leev Heer.
Un ik, ik denk dor fouken gor nich över na,
wat di dat koost hett.
Wo lichtsinnig gau ik mit Worn um.
Wo fouken geit mi dat as Petrus.
Denn much'k d'r am levsten nix van weten,
dat du mien Heer büst.
Wat kunnen de Lü woll seggen,
wenn ik togeev, dat ik to di hör.
De willn ja rein gor nix mit di to döön hem...
Un denn kiek ik di an!
Un schaam mi! Heer, kannst du mi noch moul vergeven?
Du hesst so völ vör mi doon.
Jede Houmerschlag up de Spickers gellt mi.
De Spott nammst du up di, vör mi!
Wenn du nich wärst,
un mi nich immer weer frej mookst,
ik kunn nich mehr in d' Spegel kieken.
Um dien heiligg Noom, vergev mi.
Kiek mien Schaan nich lange an.
Wasch mi doch schoon.

Amen!

Bild Rudi Witzke