Wat een anfungen hett ... vun Claus Günther "Haaallo, aufwachen, Herr Lührs!" Och, Lena ... Fiete sluck de Tronen rünner. Wat bitter smeckt de Smart! Dat is man eerst twee Weken her, dat Lena ehren Freden funnen hett. Fiete harr an sik hollen in de Tied, man as de Truerfier vörbi weer : in Ewigkeit, amen do kunn he nich mehr. Un nu is he in sien Truerjohr ... Scheun' Schiet. Begöösch di, lüttjes Hart schasst nich noch eenmol galoppeern! Lena hett jümmers seggt, wat een anfungen hett, dat mutt een ok to Enn bringen, aver düsse Truertied, nee, Lena-Deern, de harr Fiete nich ut egen Stücken op sik nohmen, dat gläuv man. Wenn he blots nich so alleen weer! Sien Nover in de Stuuv? Den kannst in de Piep smeuken. "Lührs heet ik. Fiete Lührs", harr Fiete sik
vörstellt, vun Bett to Bett. Nu weer Fiete al den drütten Dag hier. Middewiel kunn he Clasen
sien Stimm beten beter verknusen. He harr jo ok mol en Clasen kennt,
de weer sogor sien Baas west vör rieklich twintig Johrn, un den
sien Stimm weer em ok so towedder west. Aver de harr keen Bort hatt
un keene Brill, un he weer ok lang nich so olt as de hier. De keek, keek ungläuvsch un dreih sien Gesicht na de
Wand hen. Käthe Witt! Kunnt't angohn? Jo! Woll weer se ok öller
worrn, man se pett noch jümmers in de Kuhl mit dat linke Been.
Dusend Gedanken schoten Fiete dör den Kopp, de heele Tied vun
domaals stünn em wedder vör Ogen ... Käthe, Käthe
Witt ... Se weer verlöövt west mit düssen Jan?
Jan hett se seggt! Also is he dat doch, de ole Knacker dor achter:
Jan Clasen, de Düvel schall em halen! Lege Ihnen nahe zu kündigen,
Herr Lührs. Sie verlassen uns auf eigenen Wunsch, verstehen Sie?
Rutsmeten harr he em, de Swienjack! Heel un deel unschüllig
is Fiete west, dor kannst op speen! Wat wull Clasen em wiesmoken?
Fiete harr harr wat? Sik spicken laten vun Bleek un Möller?
He schull düsse Firma Opdrääg toschanzt hebben? "Nie
nich! Ik swöör !", schree Fiete. Aver Clasen
wunk af. Un mitmaal wüss Fiete, ut welke Eck de Wind weih. Dat
Bedreefsfest! Käthe Witt!! Wat harr de sik ransmeten an em, liekers
se wüss, dat he verheirodt weer! Hinkfoot hen, Hinkfoot her:
Se weer nüdelig to de Tied ... Un küssen kunn de Deern!
Vun Spriet benüsselt, harr Fiete sik inwickeln loten, wull ehr
verslickern mit Huut un Hoor ... Sien Krinkloop roteer, sien Hart
klabaster, un he sweet as 'n Rennpeerd Annern Morgen heel he dat nich mehr ut: He müss kloor Schipp moken, müss Lena allens vertellen. Un Lena? Schimpt's em wat ut? Nee. Lena röök den Broden. Fiete müss op Käthe togohn, ünner veer Ogen mit ehr snacken un Afbeed doon, anners gifft't Arger! "Wat
een anfungen hett, mutt een ok to Enn bringen, Fiete!" Klick-klack, klick-klack, poff! Käthe Witt, nee, Käthe Clasen harr de Döör toknallt. Fiete kroop ünner de Bettdeek vör. De harrn streden, de twee; se wull sik scheden loten, man he brüll gegenan, aver Fiete wull dor nix vun heurn! De heele Woot ut ole Tieden weer trüch in em, sien Hart pucker bit in de Dünnen, he wull un müss Clasen enen bipulen. Hüüt noch! Nu! An Fiete sien Koppenn stunn de Krück för sien Wehbeen,
aver mit links kunn he de nich rangeern! Schiet. He müss mit
siene harte, ingipste Hand toslagen ... He kunn nich anners. Wat een anfungen hett, mutt een ok to Enn bringen. Bild EKG: Ernstl/Wikimedia
Commons
26.9.2010 |