Ooljahrsabend 2010

vun Sabine Brauer



Tarotkorden. Foto: Rudi Witzke

De Spöök hett Hochkonjunktur un ik frag mi, worto sall dat good wesen? Klauver veer, Schöösteinfeger un Swien sölln nu Glück vör dat neije Jahr brengen. Bleeigeeiten, Korten leggen, de Sterns befragen un wat dat anners noch aal gift, sölln de Padd wiesen, wor dat in't neeije Jahr langs gahn sall.

Is eerst 'n Weeke her, do hem ji sungn, wat dat Tüch holt, dat de Könich van 't Könige kummt un he jo Free un Freiheit brengt. Do hebbt ji Christi Gebuurt fiert.

Un nu laat ji jo verskaven van so'n Hummbuk! Bünt dor rein vernaart in.


Tarotkorden. Foto Rudi Witzke

So'n Heidenschietkraam!

Dor kannst glatt Magengeschwüürn van kriegn, wenn d'röver nadenkst.

Hebbt ji vergeten, dat Jesus sä:

"Ik bün de Wech
un de Wohrheit un dat Leven. Nümms kummt na d' Vader,
as man bloot dör mi?"

 


Digitalbild Rudi Witzke

He will mit jo in dat neeije Jahr gahn.

Will jo bi d'Hand nehmen un föhrn.

Man je hebbt Beelzebub to packen!


31.12.2010


na baven