Ik bün ik



Bild Rudi Witzke, na Jawlensky

Kopp an doul, gouh ik mien Padd. Mi dünkt d't, ohn Taschenlaamp.
Kopp na unnern, de Stroat andoul, ohn Sinn un ohn Verstand.
Spüür de Schandpoul up mien Rüüch, so schwoar word mi de Gang,
immer mit de Nöös up d't Grund, as wenn ik wat verlor'.
Wor is de lechte Sünnenschien? Wor de wiede Welt?
Is de düster Padd vör mi denn allens, wat nu tellt?
Kopp an doul, gouh ik mien Padd. Mi dünkt d't, ohn Taschenlaamp.
Kopp na unnern, de Stroat andoul, ohn Sinn un ohn Verstand.
Hör de Spotters, wo se laagn, hör Speei up mien Gesicht.
Wat hebb ik denn eengtlich doun? Worum hollt se Gericht?
Wor is de lechte Sünnenschien? Wor de wiede Welt?
Is de düster Padd vör mi denn allens, wat nu tellt?
Kopp an doul, gouh ik mien Padd. Mi dünkt d't, ohn Taschenlaamp.
Kopp na unnern, de Stroat andoul, ohn Sinn un ohn Verstand.
Mien Voder moukt de Oogen dicht, he lett de Lü geweern.
Föhl mi so eensoum, so alleen. Do mi so verfeern.
Wor is de lechte Sünnenschien? Wor de wiede Welt?
Is de düster Padd vör mi denn allens, wat nu tellt?
Kopp an d'Grund, lich ik up d' Rüüch, de Pien, so grood de Last,
se spickern mi mit Haan un Fööt an disse Schandpoul fast!
De Kelch gung nich an mi vörbi, ik drink hum bit up d't Letzt,
un hör hör lästern, Witzen riten, un wo se gegen mi hetzt!
Wor is de lechte Sünnenschien? Wor de wiede Welt?
Is de düster Padd vör mi denn allens, wat nu tellt?
Kopp in Lücht, hang ik an d' Poul un see ik mien Mouder stouhn.
"Johannes sall dien Jung nu wesen, du musst mit hum gouhn.
Un du, an d' Poul hier tegen mi, di will ik dat vertelln,
wiel du mi hier verteidigt hesst, sasst du ok mit mi leven.
Ik bün de lechte Sünnenschien för de verdürben Welt.
För de, de d't löövt, bün ik de Padd. Hum will ik Leven gebn."


Bild Rudi Witzke


Sabine Brauer

2.4.2010


na baven