Judika



Bild Rudi Witzke

Gott, verhelp mi to mien Recht!
Psalm 43, 1

O Gott, verhelp mi to mien Recht un
verteidig mi tegen de Lü, de nix heilig is.
Befrej mi van disse Lögenbarons un Bedregers.
Du büst doch de, de mi immer d' Hand boven Kopp hollen hett.
Worum lettst du mi nu so faaln?
Worum mut ik unner de Gewalt van mien Feinde so lieden?
Gev mi dien Lücht un dien Wohrheit!
Se söhlen mi torüüg föhren na dien heilig Baarg,
na d' Tempel, wor du wohnst.
An dien Aaltor will ik di anbeden,
will mi över d freien un di tojubeln.
Di, mien Gott, spöhl ik dankbor wat up de Zither vör.

Worum bün ik so trürig?
Worum is mi dat so stur um d't Haard?
Up Gott will ik hopen, denn ik weet,
ik sall hum woll weer danken.
he is mien Gott, he steiht mi weer bi!

Psalm 43

Noch knapp twee Weken, denn is Still Freedaag.
De Daag, wor Jesus verurdeelt wurr.
Wenn ik disse Psalm lees, froog ik mi,
of Jesus de woll beed hett.
Dat is hum so up d't Liev schreven.
Dat mookt ok mi ganz trürig.
He harr kien een wat doon un muss so erbarmlich lieden.
Un wenn ik denn bedenk,
dat he dat allens för mi un di doon hett,
denn geiht dat över mien Verstand.
Wat mutt he uns leev hebben!


Bild Rudi Witzke


Sabine Brauer

21.3.2010


na baven