Lütten Grönau —

de Geschicht vun't Dörp

vun Karl-H. Nissen


 

De Grönauer Kapell. Teknen vun Jürgen Hagen
  Fröh al, so üm 1290 rüm, hebbt de Lübecker de Wakenitz vun den Lauenborger Herzog köfft, bet an den Ratzeborger See ran.

De Grenz vun Lübeck weer dormals an den Landgraven. Dor stünn en Slagboom, de "Grönauer Boom".

Denn keem en groot Stück Land, de Grönauer Heid (so bi 600 ha). Dat Land hett nümsDe Grönauer Kapell (buut 1409) vun Nordoost, mit'n Stück vun de Grönauer Heid tohöört, dat weer frie. De Lüüd ut de Dörper rundüm kunnen dor jagen, ehr Veeh hendrieven, Holt un Torf halen. Bet an dat Dörp Grönau güng disse Heid.

Falkenhusen geev dat to de Tiet al, dat höör to dat Johannes-Kloster in Lübeck, later to't Hillig-Geist-Hospital.

Üm 1265 warrt al schreven vun dat St.-Jürgen-Hospital bi Grönau.
Vun 1423 gifft dat ene Urkunn, dor schrievt de Knappen Volquin un Detleff von Gronow noch mal al de Rechten up, de de Kranken in dat St. Jürgen Hospital hebbt.
In dat sülvige Johr hebbt de Lübecker dat Hospital köfft.
Dat weer man en lütt Rebeet: de Kapell (buut 1409), dat Sükenhuus, de Hoff. Veel Land weer dor nich bi, nich mal de beiden Koppeln links un rechts dorvun. Rundüm stünnen Grenzsteen. Kümmert hebbt sik de twee Börgermeister un de Raatsherren ut Lübeck üm dat Grenzsteen op de Lauenborger Siet (ingraveert: dat Lauenborger Peerd)Hospital.

Vun wann an dat Lütt Grönau heet, dat is nich wiß.

To ene grote Grenzregelung keem dat 1747. Dat Herzogtum Lauenborg güng nu mit enen smallen Striepen bet an Lübeck ran. Disse nie Grenz wörr markiert mit Grenzsteen. Up de een Siet vun disse Steen weer dat Lübecker Wappen, up de anner Siet dat Lauenborger Peerd.
Nu weern in dissen Striepen ok en poor Koppeln, de wörrn vun Lübeck "ökologisch" nutzt, un dorüm geev dat ok ene "Ökologische Grenz". Disse Koppeln hören aver to Lauenborg.

SükenhuusNa 1870 — Lauenborg weer dor bi Preußen —, dor hett Preußen verzicht' up de Landeshoheit för disse Länderien. Up disse Wies is Lütten Grönau anslaten an dat Lübecker Gebiet, — as so'n Steert.

För Lauenborg weer de Regierungspräsident in Schleswig tostännig. De schreev 1911 na Lübeck an de Senatskommission för Reichs- un Auswärtige Angelegenheit im Freistaat Lübeck enen Breef.
De Hoheitsgrenz twischen Lauenborg un Lübeck bi Groot Grönau, de weer nich recht to finnen. Vunwegen de Polizeigewalt un ok wegen de Jagd müß dor Ordnung sien. Dat hett en Barg Arbeit un Geld kost, de Grenz to finnen. Steen weern versackt orrer ganz weg, nich to sehen. Ellern mit Wörtel un Kruut un Kratt müssen weg. Toletzt weer allens so, as dat sien müß.

Lütten Grönau weer al lang keen Hospital mehr, nu weer dat en Huus för olle Lüüd ut Lübeck. 1929 is dat uphaben. Dorna weer dat Landschoolheim för de Oberreal-School to'n Dom, ORzD.Gevelansicht vun en Schüün

Lütten Grönau hett jümmers noch to Lübeck tohöört as en Stiftung.
De is tosamenleggt mit en anner Stiftung, so bi 1930 rüm, dat weer de Westerauer Stiftung. Beide harrn meist glieke Upgaven: Versorgen vun Arme, Stipendien an Studenten geven. Westerau hett den Hoff Lütten Grönau mit 31 ha Land un ok de Kapell övernahmen.


Na 1960 hett Westerau den Hoff verköfft an de Stadt Lübeck un de Kapell an de Evangelisch Kirch Lübeck.
An'n 25. Juni 1963 weer dor de eerst Gottesdeenst wedder na lange Tiet

Lübeck hett denn vun Lütten Grönau wat afgeven an de Gemeinde Groot Grönau. Dor, wo hüüt de feine Sporthall steiht un ok de Waldschool an'n Falkenhusener Weg, weer Lübecker Gebiet.
In Lütten Grönau leevt hüüt Schüün un Huus vun'n Verwalter(Enn 2002) 18 Lüüd. Se sünd Lübecker, se mütt wählen, ehr Auto anmellen in Lübeck. Dat is noch gor nich so lang her, dor keem de Schosteenfeger ut Lübeck för disse 18 Lüüd na Grönau.

De ganze Anlaag — Ensemble seggt man dorto — steiht ünner Denkmalschutz. Ene Lübecker Wohnungsbaugesellschaft wull dat groot Verwalterhuus en beten trüch setten un acht Wahnungen dor ut maken. De Böversten in Kiel hebbt dat nich tolaten.
Denn is lang Tiet nix passeert, toletzt weer dor en Kroog in.
Bi een Saak hebbt sik de Denkmalschützers ganz stark maakt. Mit Erfolg! De Autobahn, de "A 20", sull glieks achter de Kapell un dat Jugendheim vörbigahn. Dat weer leeg west. —

Lütten Grönau hett ene lange Geschicht.
En poor vun de ollen Grenzsteen, de erinnert dor an: Een steiht in de Infohrt to't Jugendheim, twee bi'n Kroog an den Parkplatz, glieks rechts, mit dat Lübecker Wappen un dat Lauenborger Peerd.

 
K.-H. Nissen in'n Märzmaand 2003


na baven