Gedichte to'n Ewigkeitssünndag 2006

Tosamenstellt vun Rudi Witzke


Foto: Rudi Witzke
Foto: Rudi Witzke
Denn ward't kold

Elkeen,
jung orrer old,
Vadder, Broder, Jung,
Mudder, Süster, Deern
wat Fru, wat Mann:
se all hebbt Stunnen,
Daag, Tieden,
wo Lengen se schier wörgt,
dat Lengen na ehr Doden.

Meist wannern se
swiegen tosamen
so mennigeen Johr,
Passer as Sommer un Winter.
Un se snackt
liesing tosamen
so mennigeen Stunn
vun Saken,
de deep in ehr Harten.
———
Denn ward aver kold,
düster un störmsch.
Dor is nüms mehr,
de Doden sünd doot
un di wörgt de Truur.

Rudi Witzke

     


Foto: ML

 

 

 

Truur

Laat di fallen
in dien Truur,
un schaam di nich
dien Traan.
Huul üm vergahn
Glück,
aver heff en åpen Hart
för all de Leev,
de di geven ward.

Annette Andersen
Plattdüütsch Rudi Witzke

Pixelio, Foto: Sandra Krumme
Pixelio, Foto: Sandra Krumme
Foto: ML
       
Wenn in bang lömerig Stunnen
Uns Hart binah mootloos warrt,
Wenn vun de Süük överwunnen
Ängste bi uns binnen nagt;
Wi de Truuleevden gedenken,
wo se Graam un Kummer drückt,
Wulken unse Sicht verhangen:
Dörch de keen Höpen's Strahl dörchkümmt:
O! denn dukt sik Vadder Gott heröver,
sien Leev, de kümmt uns nah;
lengen wi un denn henöver;
steiht sien Engel vör uns da.
Bringt den Kelk vun frisches Leven;
Wispert Moot un Troost uns to.
Un wi beden nich vergevens
Ok för uns Leevden Rooh.

Novalis
Plattdüütsch Rudi Witzke

Foto: Pixelio, Tim Grondstein
Foto: Pixelio, Tim Grondstein
Foto: ML
Hannover Stoecken. Foto: Pixelio, Tim Schredder
Hannover Stoecken. Foto: Pixelio, Tim Schredder
Nevenan

Ik bün bloots in de Stuuv na nevenan hengahn.
Ik bün ik, ji sünd ji.
Dat, wat ik för juuch weer, bün'k jümmer noch.
Roop mi mit den Naam, den du mi geven hest.
Snack mit mi, as du dat jümmer daan.
Kumm mi nich anners in de Mööt.
Wees nich fierlich orrer trurig.
Lach as sünst ut vullen Hals,
woröver wi tosamen lacht.
Ik bün nich wiet weg
Ik bün blots up de anner Siet vun'n Weg.

Hoochdüütsch vun Fritz Reuter,
Plattdüütsch Rudi Witzke


26.11.2006


na baven