Logo "Wunnerwarken in Mäkelborg"Wunnerwarken in Mäkelborg, Deel 30:

Lichterwoch' in Rostock

vun Hans-J. Grebin


Siet dörteihn Johr lüchten un geistern in dei iersten swatten Abendstund'n üm denn Universitätsplätz, miern in Rostock, farwich Lichter.

De Stadtwarkslüüd hebbt sick ook ditt Johr werrer wat Nieges infollen laaten, üm up sick upmarksam tau maaken un dei Rostockers, un besonners dei Lütten, mit dei dunkeln Tieden, dei sick nu ankünnigen, vertruucht tau maaken — mit Licht.


Dei "Stromer" smuust mit mien Fru — dei Racker!

Oewerraschungen för de trister wardende Johrestied sünd ook ditt Johr düütlich tau seihn. De "Stromer" wier wi ümmer dorbi un freut sick oewer de väälen Rostocker.

So hett dat 2007 uutseihn. Intwüschen hebb'n sick de LED-Lämpchen "breit maakt" un dormit is dat Farwenspääl vermiehrt worrn.

Vör Johr'n wiern poor Lichterketten in de Bööm oewer uns tau seihn. Ditt Johr lüchten schon poor miehr blage Lichtreigen un sogor Voegels uut de Bööms, ann "Brunnen der Lebensfreude".


Voegels lüchen in'n Boom


Dei Voegels staunen ook oewer dei Huusfassaden


Dei Bööm seiht ut as Füürwark

Ook dei Brunnen is nütt worrn un hett Waarergefleugel Platz gäben. Grote Lüchtblöck maaken de Plastiken ook inn Dunkeln sichtbor.


Swaans in denn Brunnen


Anstrahlte Plastiken

Ein einzich Farwenspääl rund üm denn Platz. Doch nich blots de Farwen beläwen denn Uniplatz, ook de "Kröpi"-Schauspälers, Gaucklers, Danzgruppen un Musik maaken de Abendstunn för Jung un Olt tau ein lustich Awwesslung.


Iesboorn gifft dat blots in dei Arktis, Pinguine (achtern) blots in dei Antarktis. In Rostock drapen Arktis un Antarktis tausamen!


Un dei Seehunnen huulen dortau in'n Chor!

Mit grote Oogen stahn de lütten Geister ann Tuun un laaten luudhals ehre Begeisterung tau hüürn, wenn se dei roden Pilz, dei Wölf ', dei Iesbären, dei Schwaans, dei ehr uut den Rostocker Zoo schon bekannten watschelnden Frackdrägers, Iesboorn un anner "Gelichter" seihn. Poor Jungens harrn dei Lüchtwürfel besett un trampeln vör Freud'.


Lüchtwürfel


Un Poggenstöhl gifft dat tau Harwsttied ja ook!

Dat Wääer harr ook ein Inseihn, kein Rägen, kein Wind hett uns beiden Ollen — mien Fruu un mi — dat schöne Erläwnis vermiest, dei milde Nacht hett uns allens best geneiten laaten.


Dei Vöss söökt wat tau'n Fräten. Pilze fräät' sei nich.

Dei witt un kolt Tied kann kamen un dei grote Rostocker Wiehnachtsmarkt harr sick för uns dormit schon ankünnicht. Wi warrn uns ook denn Spaß anseihn un heiten Wien drinken.


Dei Pinguine kunnen so'n Gleuhwien ook bruken



9.11.2014


na baven