De dänische Graven

Op ole Weeg un Brüchen:
De Gösebek un de dänische Kanal

vun Antje Heßler


Se köönt de Fotos per Klick vergröttern.
Trüch kaamt Se denn mit den Zurück-Knoop op de Browser-Symboolliest.

De Gösebek, Nedderdüütsch för "Gänsebek", is en Beek in Oostholsteen, in de Pönitzer Seenlandschop.

Se kümmt vun Noorden dörch den Süseler See. Denn geiht ehr Weg wieder dörch den Taschensee. Dor sorgt se för de richtige Watermenge.


De Süseler See


Överloop ut den Taschensee


Taschensee


To wenig Water! Man schöön gröön


Waterstandsmeten in'n Lütten Pönitzer See

 


Gronenberger Möhl


Möhlenbuwark

Dat hebbt de Anwahner nütt un hebbt Möhlen an de Beek but. Dor geev dat de Wolters Möhl, de Gleschendörper Möhl, en Papiermöhl, de Gronenbarger Möhl, de Hundemöhl un mehr. All brukten de Waterkraft vun de Gösebek.


De Bek ünner de Möhl lett man lütt — langt dat, üm so'n ganze Möhl antodrieven?


Hier löppt de Bek linkerhand langs den Footpadd


En ganz normale Stratenünnerföhrn, as dat hunnerte gifft — hier ünner löppt de Gösebek


Doorhus vun Goot Oevelgönne


Durch diese hohle Gasse... En Wannerer in den olen Kanal

Mitünner harr de Gösebek aver nich noog Water un de Möhlen kunnen nich richtig arbeiden. Dor hett man sik tosammen daan un enen Dörchstich dörch den Höhenzug Hohe Regel, en Wohldstück, beslaten. Dat weer so üm 1770. De kreeg den Naam "Dänischer Kanal" ok de "Oevelgönner Kanal". To de Tied stünn Holsteen ja ünner Dänische Herrschop. De Besitzer vun den Gootshoff Oevelgönne — Kammerherr v. Dernath — weer bannig intressert an den Dörchstich. Dat Land üm sien Goot wull he geern dröög leggen laten, üm mehr Wischen to kriegen.


De Böken, de hier staht, sünd ok al oolt

Dat stell sik aver bald rut, dat de Dörchstich nich rentabel weer. Dor hett man den Dörchstich verrohrt. Dat Water vun de Göschbeck leep nu dörch en Rohr in den lütten Pönitzer See wieder in de Oostsee. De Möhlen kunnen wedder arbeiden. Blots de Hundemöhl kreeg keen Water mehr. De Hundebek weer dröög.

De Dörchstich vun den Höhenzug "Hohe Regel" bleev erhollen. He heet ümmer noch "Dänischer Kanal" un is hüüt en beleevten Wannerweg.


Steen an'n Wannerweg

De Gösebek maakt ümmer noch ehr'n Weg dörch de Pönitzer Seenlandschop. Se kümmt vun Norden, Bujendörp, dörch den Süseler See, över den Taschensee wieder dörch den "Mönch" (Dänischer Kanal) na den lütten Pönitzer See un mündt in Scharbeutz in de Oostsee.


Waterstandsmeten in'n Lütten Pönitzer See

In'n Göschbeekweg gifft't en Ferienhus

Vör eenige Johrn hett man de Münnung vun de Gösebek in de Oostsee in Rohre verleggt. Eerst na 300 Meter löppt de Gösebek in de Oostsee. Dat utströmend Water in de Oostsee weer för Badegäst, vör allen för Kinner to gefährlich.


Verrohrt! So en prosaisches Enn


De Taschensee



na baven