Op’n Stutz is weller Wiehnacht

Angela Ehlers, na Bernhard von Clairvaux (1090 – 1153), De Consideratione


Opn Stutz is all weller Wiehnacht,
dor warst sölbst Du besinnli un bedacht
un fragst, wo schall dat nu losgahn
mit de heele Wiehnachtsfreud bi all Dien veelet Doon?

“Dat is een Roos upgahn” © Lydia Vansbotter
“Dat is een Roos upgahn” © Lydia Vansbotter

Dat is, wat ik mit Bangen seh,
Du rennst un rennst mit Ach un Weh!
Bi all Dien Dagwerk schast Du lopen ohn Verwieln,
de schworen Opgobn kunn Di meist inkieln.

Dat maakt Di ungedüllich un recht hart,
Du hest keen Tied, föhlst nich mehr den rechten Schmart.
Denn landst Du, wo Du gor ni landen wullt,
Dien Hart ward hard un ohn Geduld.

Ies op de Alster
Foto ML

Vun Tied to Tied hol op to rennen,
De Wiehnachtsfreud Dien Sinn Di wennen.
Wenn all de Lüüd ehr Recht hat hebbt op Di,
denn is nu de Tied un Roh för Di dorbi!

Wie schast Du to anner Lüüd good ween,
Wenn Du to Di sölm büst as ut Steen?
Ik segg jag or ni to Di, stah jümmers vörn,
Man jümmers mol weller must Du Di sölm gehörn!

So as för de annern, so maak mol wat för Di dann un wann,
mienwegn ok achter de annern ran.
Vergeet de leege Alldachsplicht,
geneet in Roh dat warme Wiehnachtslicht!

Foto: Rudi Witzke
Foto: Rudi Witzke


26.12.2007


na baven