En Spier vun Licht

Text: Cord Denker
Singwies: Es ist ein Ros entsprungen


Ik seh de Rosen blöhen,
wo anners Dornen staht.
Ik seh en Steern upglöhen
över de Minschen-Noot.
De Stünn vergeet ik nich:
In all mien düüster Bangen
schient hüüt en Spier vun Licht.

Ik höör de Vagels singen,
wo anners Lärm regeert.
Mien Wöör fangt an to klingen
un hebbt dat Danzen lehrt:
Maria höllt en Kind
un wiest uns so den Freden,
den disse Welt nich findt.

Mang Steen röögt sik dat Leven;
Jesus lacht as de Sünn.
Up Eerd findt wi den Heven:
Gott maakt ut Fienden Frünn'n.
Gott is för alle dor
un füllt mit Leev de Harten,
maakt hüüt en Wunner wohr.



na baven