Leve Fründ

To'n Intritt in den Rohstand. Vun Heinz Rehn


Leve Fründ:

All dien Arbeit, Mööh un Streben
weer mehr as blots en Arbeitsleben.
Nee, nee, dat weer na mien Geföhl
de Kraftstoff för uns Wirtschaftsmöhl.
Mancheen, de Unsinn kloog snackt hett,
verblendt mit wetenschaftlich Etikett,
de ward as groten Mann hoffeert,
mit Orden un Verdeenstkrüüz ehrt
vun Menschen, de uns Weltbild prägt —
un doch keen Alldagsleben seht.
Doch laat de Herrn sümm Firlefanz,
se bruukt nu mol den Mummenschanz.
Ik aver denk un laat dat stohn:
Wer Dag för Dag (un Nacht) sien Arbeit doon
un in sik Ehr un Plicht vereent,
de hett en Krüüz ut Gold verdeent.
Doch töövt wi nich op so en Ehr,
wat Unsinn un vergebens weer.
Un dorum wünsch to'n Sluss ik still,
so dat Rad sik dreiht un will,
noch recht veel Johr still Rentnerleben,
dorto Gesundheit, Glück un Freeden.



na baven