Rapsblötenfest

En Fehmarnriemel to Pingsten vun Walter Meß


Ach wat is uns Insel schön,
wenn denn de Natur so gröön,
un de Raps, de lüücht so geel,
dat deit so goot för Hart un Seel!


Klein Erna as Blomenfru. Klick op to'n Vergröttern!

Een olet Leed, dat kennt ji all,
dat passt doch nu op jeden Fall:
"Wenn denn to Pingsten, ach wie schön,
is uk denn de Natur so gröön,
wenn dat tosam na buten geiht,
dat is denn doch de wohre Freid!"

Ganz Fehmarn un uk all uns Gäst,
de freit sik op en schönet Fest,
in Petersdörp all fix in Gang,
dor treckt se all an eenen Strang,
dat allns to Pingsten klappen deit,
un jedereen hett dor veel Freid!

"Rapsblötenfest" — ji leeven Lüüd,
denn sünd wi all ganz ut de Tüüt!
Kamt man all en beten lang,
ji hebbt ok Spaaß, dor bün 'k nich bang!


Klick op to'n Vergröttern!


24.5.2014


na baven