Mai

vun Brigitte Fokuhl



De Mai, de Mai, ohwei, ohwei!
de schütt uns in de Knaken.
Dat Hart koppeistert in een Tuur
un bringt dat Bloot to'n Kaken.

Dat heet, dat gellt för junge Lüüd.
De Ollen sünd tofreden,
wenn Rüüch un Knee ehr nich wehdoot
un hebbt ok süs keen Leden.

De Maiboom ward nu just upstellt,
un all Lüüd kaamt to'n Danzen.
De Knicks wiest stolt ehr junges Gröön,
de Göörn ehr'n niegen Ranzen.

Oh, Mai, du rüükst so wunnerbor
mit all dien' schönen Blomen,
un ok de Swien doot woll ehr Best
un freet sick dick för Flomen.



na baven