Isern Hochtiet
(65 Johr orr mehr verheiraat)

vun Sibilla Frerich


Wi seht hier en besünner Poor,
en Poor as ut en Märken.
Se maakt en Märken för uns wohr,
dat schall uns' Totruun stärken.

"Bet dat de Dood ju scheiden deit",
hett't bi de Hoochtied heten.
Man wat dat Leven mit ju maakt,
kunn dunntomaals nüms weten.

Dat Leven weer nich jümmer sacht,
man liekers meen't dat good:
Dat hett ju twee tosamenbröcht
un höllt ju bet in'n Dood!

En Minschenleven vull vun Leev,
dat liggt ju hüüt to Föten.
Un ok de Johren, de noch kaamt,
wüllt wi mit Leev begröten!

Wi seht hüüt en besünner Poor,
en Wohrheit woorn Legende.
Gott geev ju noch veel schöne Johr
bet an juun selig Ende!



na baven