Februar

vun Brigitte Fokuhl


In'n Februar, dor kümmt dat dick,
de Früst knippt in de Backen.
Un würrst du geern mal baden gahn,
müßts du dat Ies uphacken.

Och, laat dat na, dat 's doch to kolt.
Gah lever schöön spazeren
un treck di dicke Stebeln an an,
dormit dien Fööt nich freren.

De Vagels pluustert sick dick up
Un finnt nich veel to freten.
Stell man en Vagelhüüschen rut,
willst ehr doch nich vergeten?!

In'n Februar is't vigeliensch,
de geiht bit achtuntwintig.
Man all veer Johr, dor gifft't een to,
dat Schaltjohr sick ankünnigt.



na baven