|
To'n Dörtigsten — as wi woll weet —,
dor geiht to Enn de "Pubertät".
De Eierschalen sünd verloorn,
un du büst dröög achter de Ohrn.
Dat ward je ok mal langsam Tiet.
Nu geiht dat los, nu is't sowiet!
De Arms hochkrempt, un nu mal ran!
Fang dienen Dag mit Fleiten an.
Sie man vergnöögt un nich vertaagt.
Wer nich veel lacht, in een Tuur klaagt,
de maakt sien Leven duppelt swoor.
Dat kennt een je, dat is doch kloor.
Nich jeedeen Dag is Zuckerschlecken,
dor luurt männig Kant un Ecken.
Wenn du di stöttst un bliffst wo hacken,
denn gifft't villich een blagen Placken.
Dat's nich so leeg, hett keen Bestahn,
nahst ward dat wedder vörwärtsgahn. -
Wi gratuleert! Geev her dien' Hann'!
Böör hoch dat Glas un stööt mit an!
Proost! |
